ROXAS CITY – Gina-imbitar sang alkalde sang banwa sang Sapian ang tanan nga saksihan ang ila ginpreparar nga mga aktibidades para sa Tilibyugan et Sapian 2023.
Sa interview sang Bombo Radyo Kay Mayor Jose ”Joe” Villanueva ginpahayag sini nga madamo sang mga aktibidades ang pagapatigayunon sa Capiztahan sa banwa et Sapian.
Magadugay sang 9-adlaw ang kasadyahan nga magasugod sa Hulyo 18 kag magatakop sa Hulyo 26.
Pila sa mga balantayan nga aktibidades amu ang grand opening parade, Food Festival, Street dancing Competition, Bike challenge, foam party, Agri-Aqua trade fair, 1st Mutya et Sapian, 1st Air-Action Shotfest, MAPOSOC and Patubas 2023, Laro ng Lahi, Bugal et Sapian, Kalan-unon festival cultural dance competition, Zone out party, fireworks display kag pila ka mga celebrity guests nga magadugang sa kasadya.
Magapanghatag man sang libre nga panyaga para sa mga pumuluyo kag bisita sa kaadlawan sang selebrasyon ukon Mayor’s People’s Day.
