Tindahan aksidente nga nabungguan sang Multicab sa banwa sang Dumarao

ROXAS CITY-Naguba ang pila ka porsyon sang tindahan matapos nga aksidente nga mabungguan sang multicab sa Barangay Poblacion Ilaya, Dumarao Capiz.

Ginkilala ang tag-iya sang tindahan nga si Meladin Aritalla, residente sang amo nga lugar.

Sandig sa inisyal nga imbestigasyon sang Dumarao Municipal Police Station, samtang ginasubay sang multicab ang dala sakay ang wala nagpakilala nga driver, ginaalegar nga nadulaan ini sang preno rason nga bumunggo ini sa amo nga tindahan.

Dako nama ang pagpasalamat sang tag-iya nga wala sila nakatulog sang tion nga nabungguan ang tindahan sang amo nga salakyan.

Samtang ginpasalig naman sang driver nga abagahon ang mga kahalitan kag nasamad sa amo nga tindahan.