ROXAS CITY -Nagpaandam ang pamunuan sang Traffic Management Unit (TMU) sa mga abusado nga tricycle drivers nga mahimo hatagan sang penalidad ang madakpan nga nagalapas sa bag-o nga taripa sang siyudad.
Suno sa kay TMU-head Gonzalo Andrada nga wala pa sang may nakalab-ot sa ila talatapan natuhoy sa reklamo sang mga pasahero gikan sa Barangay Jumaguicjic.
Ini kasunod sang reklamo nga ginpalab-ot sa Bombo Radyo nga ginsukot ang isa ka pasahero sang P150 nga plete gikan sa Teodoro Arcenas Trade Center (TATC) padulong sa Barangay Jumaguicjic.
Mas maayo suno kay Andrada nga magpadulong sa talatapan sang TMU ang mga pasahero agud magpabalhag sang pormal nga reklamo.
Samtang nagpaandam si Andrada sa mga tricycle drivers nga mahimo multahan sang P500 ang tricycle driver nga mapamatud-an nga magsukot sang mahal sa mga pasahero.
| ReplyForward |
