ROXAS CITY – Arestado ang 52-anyos nga lalaki nga ginakabig top 1 most wanted person sa banwa sang President Roxas matapos ginserbihan sang mandamiento de aresto sang gintingob nga pwersa sang, PIU, CCPO, 1st CPMFC kag katapo sang President Roxas PNP sa Sitio Campo Brgy. Poblacion, President Roxas, Capiz kahapon nga adlaw.
Ginkilala ang akusado kay Jorge Punzalan Planco kag residente sang nasambit nga barangay.
Ang warrant of arrest ang ginpapanaog kag ginpermahan ni Hon. Judge Faustino Valenzuela Roxas Jr., acting Presiding Judge sang RTC 6th Judicial Region, Branch 14, Roxas City napetsahan Agosto 3, 2022.
Kaso nga rape by sexual assault ang ginapangatubang sang akusado.
Ginrekomendar naman sang korte ang P200,000 nga pyansa para sa tempraryo sini nga kahilwayan.
Sa karon yara na si Planco sa kustodiya sang President Roxas MPS para sa nagakaigo nga disposisyon.
