PANAY, CAPIZ – Dakop ang ginakabig nga Top 1 Most Wanted Person sa Municipal Level matapos ginserbihan sang warrant of arrest sa Barangay Tanza Sur, Panay, Capiz.
Ginkilala ang nadakpan kay alyas Jojo, 39-anyos nga residente sang nasambit nga lugar.
Base sa impormasyon nga nagikan sa Panay Municipal Police Station nagapangatubang ang suspetsado sa kaso nga Direct Assault.
Samtang ang warrant of arrest ang ginpapanaog kag ginpirmahan ni Acting Presiding Hannibal Rivera Patricio, sang Mun. Circuit Trial Court, 6th Judicial Region, Panay-Pontevedra, Capiz nga napetsahan sadtong Setyembre 10, 2024.
Ginrekomendar naman sang korte ang P18,000 nga piyansa para sa temporaryo sini nga kahilwayan.
Sa karon, yara na sa paghinakop sang Panay PNP ang akusado kag natalana nga iga-turn over sa court of origin para sa nagakaigo nga disposisyon.
