Top 2 Most Wanted Person sa Municipal Level, arestado sa banwa sang Maayon

MAAYON, CAPIZ – Arestado ang isa ka lalaki nga ginakabig Top 2 Most Wanted Person sa Municipal Level matapos ginserbihan sang warrant of arrest sang kapulisan sa banwa sang Maayon.

Ang wala na ginhingadlan nga lalaki ang nagapangatubang sang kaso nga Qualified Rape.

Ang Warrant of Arrest ang ginpapanaog kag ginpirmahan ni Presiding Judge Eric Anthony Dumpilo sang Regional Trial Court, Branch 14, Roxas City nga napetsahan sadtong Agosto 8, 2023.

Wala naman sang may ginrekomendar nga piyansa ang korte para sa temporaryo sini nga kahilwayan.

Sa karon yara na sa paghinakop sang Maayon PNP ang akusado para sa nagakaigo nga disposisyon.