Arestado ang isa ka lalaki sa kaso nga ginpahayag rape kag ginakabig man Top 3 most wanted person sa Municipal Level sa Barangay Poblacion, Jamindan, Capiz.
Ang arestado amo si alyas “Igme”, 75-anyos kag residente sang Barangay Agloloway sa amo nga banwa.
Sa interview sang Bombo Radyo kay Police Captain Jaypee Silvestre, Officer in Charge sang Jamindan Municipal Police Station, iya ginpahayag nga natigayon nga maaresto ang subject person pinaagi sa gahum sang  Warrant of Arrest nga gin-issue kag permado ni Hon. Rommel Lacson Leonor, Presiding Judge of RTC Branch 21, Mambusao, Capiz .
Suno kay Silvestre, wala sang ginarekomenda nga pyansa ukon bail ang nasambit nga kaso.
Sa subong, yara na ini sa Jamindan Municipal Police Station para sa nagaigo nga disposisyon.
