-- ADVERTISEMENT --
Arestado ang ginakabig nga Top 5 most wanted person matapos nga ginserbihan sang warrant of arrest sang kapulisan sa Brgy. Daplas, Dao, Capiz.
Ang wala na ginhingadlan nga akusado ang residente sa nasambit nga lugar.
Nagapangatubang sa kaso nga murder ang akusado kun sa diin ang warrant of arrest ang gin-isyu kag ginpermahan ni Hon. Kristine B. Tiangco-Vinculado, Presiding Judge, 6th Judicial Region, Branch 16, Roxas City, nga napetsahan Hulyo 30, 2024.
Wala naman sang may ginrekomendar nga piyansa ang korte para sa temporaryo kahilwayan sang arestado.
Sa karon, nagapabilin ini sa kustodiya sang Dao PNP para sa nagakaigo nga disposisyon.
-- ADVERTISEMENT --
