Trade Deficit sang Pilipinas, naglab-ot sa $3.682-B sang Pebrero

Padayon nga nagrekord sang trade deficit ang Pilipinas sang Pebrero nga naglab-ot sa $3.682 billion, mas manubo sa $4.274 billion sang Enero apang mas mataas kun ipaanggid sa $2.991 billion sang pareho nga bulan sang tinalikdan nga tuig, suno sa Philippine Statistics Authority (PSA).

Nagtaas ang exports sa $7.33 billion, ginpangunahan sang electronics, gold, kag machinery, samtang ang imports ang yara sa $11.01 billion, ginapamunuan sang electronic products, mineral fuels, kag transport equipment.

Nagapabilin ang United States bilang nagapanguna nga destinasyon sang exports, kag China bilang nagapanguna nga ginakwaan sang imports.

Ang kabug-usan nga trading ang yara sa $18.343 billion, tumaas sang 10.7% kun ipaanggid sang tinalikdan nga tuig.