ROXAS CITY – Nag-angkon sang pagpalanakit sa kalawasan ang isa ka transgender matapos nga ginaalegar ginkastigo sang iya nobyo sa Barangay Dayao, Roxas City.
Ginkilala ang biktima nga si Jerene Baylon sang Barangay Culasi sining siyudad.
Sa interview sang Bombo Radyo kay Baylon nga ginaalegar nga ginkastigo ini sang iya nobyo nga si Ryan Jay Artates isa ka construction worker sang Barangay San Jose sining siyudad.
Ginpahayag sini nga antes natabo ang insidente nag-angkon sang indi pag-intiendihanay ang duha matapos nga nagpadulong si Baylon sa barracks kun sa diin nagatrabaho si Artates.
Kasunod sini, ginaalegar nga ginkastigo kag ginlamposan ini sang tubo sang amo nga suspek.
Bangud diri, nag-angkon sang bukol sa ulo kag lagob sa lawas ang biktima rason nga ginpakamaayo na lamang sini nga ireport sa pulisya.
Nahibaluan nga yara sa idalom sang impluwensya sang makahulubog nga ilimnon ang suspek sang natabo ang insidente.
Samtang, desidido naman nga magpasaka si Baylon sang nagakaigo nga panumbungon batuk kay Artates.
