-- ADVERTISEMENT --
Arestado ang isa ka tricycle driver sa ginpatigayon nga drug buy-bust operation sa Barangay Poblacion Ilaya, Panay, Capiz.
Ang arestado amo si alyas “John,” 32-anyos kag residente sang Barangay Tanza Sur sang nasambit nga banwa.
Sa interview sang Bombo Radyo kay Police Captain Jean Alayon, Officer in Charge sang Panay Municipal Police Station, iya ginapahayag narekober sa arestado ang anum ka sachets sang suspected shabu nga ginabanta nagabug-at sang 28 grams nga may standard drug price nga P190,400.
Suno kay Alayon, ang subject person ang madugay na nga problema sa lugar.
Sa subong preso na ini sa Panay Municipal Police Station kag magapangatubang sa kaso nga paglapas sa RA 9165 Comprehensive Dangerous Drugs Act of 2002.
-- ADVERTISEMENT --
