ROXAS CITY – Dakup ang tricycle driver sa ginkasa nga drug buy-bust operation sang mag katapos sang Philippine Drug Enforcement Agency (PDEA) kag Station Drug ENforcement Team (SDET) sang Roxas City PNP sa Barangay Punta Tabuc, Roxas City.
Ginkilala ang suspek kay Jeffrey alyas ‘Jojo’ Daria, 37-anyos, kag residente sang amu nga barangay.
Sa interview sang Bombo Radyo kay Punong Barangay Nestor Buenviaje, ginpahayag sini nga kalakip sa ila Barangay Anti- Drug Abuse Council (BADAC) ang amu nga persona.
Suno naman sa agent sang PDEA, ginpahayag sini nga yara na sa ila listahan ang amu nga suspek kag madugay na nga ginreklamo sa ila barangay bangud sa pag-engage sang iligal nga bulohaton.
Apang, sandig sa panaysayon ni Lovely Albino, live-in partner ni Daria nga ginaalegar ‘planted’ ang amu nga iligal nga droga.
Nakuha sa kontrol kag posesyon ni Daria ang 5 tanan ka sachets sang suspected shabu, P3,500 nga boodle money, lighter, kaha sang sigarilyo kag cellphone.
Natalana ini nga magapangatubang sang panumbungon nga paglapas sa RA 9165 ukon Comprehensive Dangerous Drugs Act of 2002.
