Tricycle driver, gin-ako nga P150 ang iya sukot sa isa ka pasahero gikan sa TATC padulong sa Brgy. Jumaguicjic 

ROXAS CITY-Gin-ako sang isa ka tricycle driver nga mahal ang ila ginasukot sa mga pasahero nga nagasakay gikan sa Teodoro Arcenas Trade Center padulong sa Barangay Jumaguicjic, Roxas City.

Ginpahayag sang wala magpakilala nga tricycle driver nga tig P150 ang ila sukot sa mga pasahero bangud dako ang ila kapierdehan sa gasolina bangud isa lamang ka pasahero ang ginapasugtan nga magsakay sa kada tricycle.

Gindugang pa sini nga naluoy man ini sa mga pasahero apang indi makasustenir ang ila kita bangud tag-isa lamang ka semana sila makabiyahe.