Tricycle driver ginpasalamatan ang pagkilala sang gobyerno sa maayo nga binuhatan

ROXAS CITY – Tuman ang kalipay kag pagpasalamat ni Melvin Lumbo, tricycle driver nga nag-uli sang sling bag nga nagaunod sang kuwarta kag pila ka mga gamit sang iya nga pasahero matapos ginhatagan sang pagkilala sang gobyerno sang syudad.

Sa exclusive interview sang Bombo Radyo kay Melvin Lumbo, ginpahayag sini nga daku nga bagay ang nabaton nga pagkilala sa iya nahimuan bangud kasubong nga na-uplift sini ang ila sitwasyon nga mga tricycle drivers.

Ginpasalamatan man sini ang offer ni Mayor Ronnie Dadivas nga magtrabaho sa gobyerno sang syudad.

Apang kun siya lamang ang pasugtan suno kay Lumbo luyag sini nga mahatagan sang frangkisa ukon city number ang iya tricycle.