LAOAG CITY – Isa ka tricycle driver nga si Mr. Ronald Allan Tacsuan gikan sa syudad sang Batac ang nagahatag sang libre nga sakay sa mga atleta kag delegado sang Palarong Pambansa 2025.
Ginsiling sini nga magluwas sa ila, may yara man sang libre nga sakay ang mga manunudlo kag staff sang lokal nga gobyerno sang syudad sang Batac kag provincial government sang Ilocos Norte nga nagaserbisyo para sa daku nga okasyon.
Gin-athag sini nga sa tion nga nagpagwa sang fare guide ang Metro Ilocos Norte Council agud malikawan ang overcharge ukon pagpanukot sang mataas nga pamasahe sa nasambit nga mga atleta kag delegado sang Palarong Pambansa, ginpakamaayo sini nga itanyag ini nga libre.
Ginsiling sini nga nakatransport na siya sang ginabanta 50 ka mga atleta kag mga delegado sa Palarong Pambansa nga wala na sila ginasukot sang pamasahe.
May-angot sini, ang mga atleta kag delegado nga nangin pasahero ni Mr. Tacsuan ang nagahatag sang libre nga sakay para sa ila.
Gindugang sini nga padayon niya nga idul-ong ang mga atleta kag delegado sang Palarong Pambansa tubtub matapos ang massive sporting event sa probinsya.
Samtang ang terminal ni Mr. Tacsuan ang nahamtang sa Catalino Acosta Memorial Elementary School sa syudad sang Batac kun sa diin ini ang nagaserbe nga billeting quarters sang mga atleta kag delegado gikan sa Calabarzon Region.
