ROXAS CITY -Nagapabilin sa gihapon sa karsel sang Roxas City Police Station ang 30 anyos nga tricycle driver nga nakabunggo sa 53-anyos nga lalaki nga nagatabok sa National Highway sa Barangay Lawaan, Roxas City.//
Padayon nga ginabulong sa ospital ang biktima nga si Judy Marciales sang Cabugao, Batan, Aklan apang temporaryo nga naga-estar sa Barangay Lawaan, sining syudad.
Ba-se sa imbestigasyon sang Roxas City PNP samtang ginasubay sang suspek nga si Stephen Calinao sang Purok 1, Barangay Libas, Roxas City ang dalanon sakay sa iya tricycle hinali nga nagtabuk ang biktima kag sa wala ginalauman nabungguan ini.
Nagpalagyo pa si Calinao apang nadakpan ini sang mga bystanders nga nakakita sa insedente kag ginkastigo.
Nakaangkon sang pilas sa magkatuhay nga porsyon sang lawas ang suspek bangud sa pagkastigo sa iya.
Samtang ginturn over sang mga BPAT members ang suspek sa mga nagresponde nga kapulisan.
