Tricycle drivers sa Roxas City, ginalantaw nga magasaka sang doble ukon triple ang presyo sang gatong bangud sa bigtime rollback subong

Ginabantayan sang mga tricycle drivers sa Roxas City ang mangin presyo sang gatong sa masunod nga semana nga ginalantaw nga magasaka sang doble ukon triple.

Sa interview sang Bombo Radyo kay Mr. Joseph Soberano, Spokesperson sang Roxas City Tricycle Operators and Drivers Association (RCTODA), iya ginpahayag nga posible bawion man sa masunod nga semana ang gin-nubo sang presyo sang gatong subong.

Suno kay Soberano, nakabawi naman ang ila nga kita sa pagbyahe subong bangud balik eskwela na ang mga estudyante.

Apang pahayag niya, hugtanay paha sa gihapon sila nga mga tricycle drivers bangud kun kaisa indi mapaktan ang away sa iban nga pungsod nga amo ang nagaapekto sa presyo sang gatong.