Gindeklarar sang Estados Unidos nga si Presidente Donald Trump nagpabutyag sang iya pagkadismaya sa pag-atake sang Russia sa Ukraine sang nagligad nga adlaw.
Suno sa iya, indi siya malipayon kay Russian President Vladimir Putin kag ginpamangkot pa gani siya kon ano ang nagakatabo kay Putin.
‘I don’t know what’s wrong with him. What the hell happened to him? Right? He’s killing a lot of people. I’m not happy about that,’ siling ni Trump sa isa ka interbyu sa Morristown, New Jersey airport.
Ang pahayag ni Trump kasunod sang daku nga pag-atake sang Russia gamit ang 367 ka drones kag missiles sa mga syudad sang Ukraine, lakip na ang Kyiv, nga nagpatay sang indi magnubo sa 12 ka tawo kag nagpilas sa iban pa nga mga residente.
Ginpahayag man ni Trump nga padayon siya nga nagapakig-istorya kay Putin agud matigayon ang ceasefire sa tatlo ka tuig nga inaway kag ginsambit ang posibilidad sang dugang nga sanctions nga ipatuman sa Russia bangud sa mga pag-atake.
