Trump, gin-anunsyo ang bag-o nga trade deal sa Vietnam

Gin-anunsyo ni US President Donald Trump ang ila bag-o nga trade deal sa pungsod sang Vietnam.

Ginpahayag sini nga magasukot lamang sang 20 porsyento nga taripa ang US sa tanan nga produkto nga gina-import halin sa Vietnam.

Mangin epektibo ini sa masunod nga semana kun sa diin kabahin ini sang reciprocal tariff.

Nakasaad sa nasambit nga kasugtanan nga ang Vietnam indi magsukot sang anuman nga taripa sa mga produkto sang US.

Matandaan nga madamo nga mga pungsod ang nagatinguha nga mag-abot sa kasugtanan sa US antes pa man magtaas ang taripa sang US.