Ginhingyo ni Senador Raffy Tulfo nga i-blacklist ang mga kontraktor nga indi kwalipikado sa Public-Private Partnership (PPP) para sa School Infrastructure Project (PSIP) Phase 1 at 2. Katuyuan sini nga masigurado ang maayos nga konstruksyon sang mga hulot-klasehan.
Sa isa ka hearing sang Senate Committee on Basic Education sang Lunes, ginsambit ni Tulfo ang BF Corporation kag Vicente T. Lao Construction Company bilang mga non-performing contractors nga nakaangkon sang depektibo nga proyekto kag pagka-delay. Ginsambit man niya ang DMCI, nga sa subong gina-usisa ang iya nga mga alegasyon.
Suno sa Department of Education, wala pa sang desisyon kun puwede pa nga magpasakop sa masunod nga PSIP ang mga anay nagdaog na sa Phase 1 kag 2. Samtang, ginsiling ni Committee Chairman Sen. Bam Aquino nga target sang gobyerno nga makapatukod sang 26,000 ka mga hulot-klasehan sa 2026 agud maaksyunan ang kakulangan nga naglab-ot sa 165,443 ka mga hulot-klasehan sa pungsod.
