Temporaryo nga ginkakas sang United States ang pila ka mga oil sanctions batuk sa Iran agud makabulig sa pagdugang sang suplay sang langis sa pangkalibutanon nga merkado sa tunga sang tensyon sa Middle East.
Suno kay Scott Bessent, ginpasugtan ang limitado nga pagbaligya sang naka-stock nga langis sang Iran tubtob Abril 19, 2026, nga mahimo maglab-ot sa 140 million bariles.
Katuyuan sang amo nga tikang nga panubu-on ang mataas nga presyo sang langis, kalakip ang Brent crude nga yara sa mas ukon menos $112 kada bariles. Subong man, nagpaandam ang pila ka mga eksperto nga mahimo nga limitado lamang ang epekto sini.
May yara man sang mga pagkabalaka nga ang kitaon halin sa langis ang magakadto sa gobyerno sang Iran kag magamit sa operasyon sini sa tunga sang kinagamo sa rehiyon.
Samtang, padayon pa man nga nagaka-apektuhan ang suplay sang langis bangud sa kinagamo sa Strait of Hormuz.
