Gin-anunsyo sang Ukraine nga nakalab-ot ini sa “common understanding” upod sa Amerika may kaangtanan sa peace deal nga nagatuyo sa pagtapos sang inaway sa Russia.
Ang nasambit nga proposal ang nabase sa 28-points nga plano nga ginpresentar sang delegasyon sang Estados Unidos sa mga opisyales sang Ukraine sang nagligad nga semana, nga ila gintrabaho sa tion sang isa ka pagsinapol nga ginhiwat sa Geneva.
Suno kay US President Donald Trump, nga ang orihinal nga plano natapos na, nga may dugang nga input gikan sa magtimbang nga bahin.
Dugang pa ni Trump, gin-assign niya ang iya Special Envoy nga si Steve Witkoff nga makigkita kay Russian President Vladimir Putin sa Moscow kag gin-assign man niya si US Secretary of the Army Dan Driscoll nga makigkita sa mga Ukrainians.
Sa subong, wala pa nakabaton sang kopya sang bag-o nga peace plan ang Russia.
