Nagpaguwa sang pamatuod ang Ukraine Center for Strategic Communications and Information Security sang isa ka video nga nagapakita sa presensiya sang mga suldado humalin sa North Korea nga nagakuha sang military fatigue uniforms sa sulod sang isa ka Russian military base.
Suno kay Ukraine Center for Strategic Communications and Information Security Ihor Solovey, nakuha nila ang nasambit nga video gikan sa ila kaugalingon nga sources rason nga indi sini pwede nga iditalye ang nasambit nga video.
Maluwas sa mga ginhatag nga uniporme ginahtagan man ang mga ini sang mga armas.
Ginpunto ni Solovey nga ang importante ang may nakuha sila nga impomasyon nga nagapatunay nga nagtambong ang North Korea sa giyera nga wala suno sang may kinaangtanan sa ila.
Suno naman sa military intelligence sang Ukraine nga si Kyrylo Budanov, ginabulubanta nga yara sa 11,000 nga mga North Korean soldiers ang nagpaidalom sa training sa may hilaga nga bahin sang Russia.
Yara sa 2,600 diri ang ipadala sa Kursk region sang Russia.
Aminado naman si Solovey nga dako nga hamon ang dako nga numero sang mga suldado nga ipadala sang Russia sa giyera bangud nagakinahanglan ini sang dugang nga mga armas.
Suno sa Ukrainian official, kinahanglan sang mga ini sang makusog nga armas agud mapaslawan ang kampo sang Russia kag North Korea.
Matandaan nga nagkasundo ang Russia kag North Korea para sa isa ka strategic partnership partikular sa military assistance.
