-- ADVERTISEMENT --
Ginakabalak-an sang United Nations (UN) ang plano sang Israel nga baliskaron ang desisyon agud makontrol nila ang West Bank.
Suno kay UN Secretary-General Antonio Guterres nga makahangawa ang amo nga tikang sang gabinete sang Israel.
Sa nasambit nga desisyon, ginsiling nga amo ang mangin butang nga mahimo makaguba sa ginatawag nga two-state solution.
Pahaya pa sini, tanan nga mga settlements sang Israel sa West Bank kalakip ang East Jerusalem subong man ang mga regime nila kag imprastraktura ang wala sang legal nga validity kag maathag ini nga paglapas sa international law.
Madumduman nga luyag sang Israel nga angkunon na nila ang West Bank kun sa diin ini ang ginakontra sang Palestine.
-- ADVERTISEMENT --
