Nangin matawhay ang una nga pagpatigayon sang Simbang Gabi ukon Misa Dulom sa banwa sang Sigma.
Sa interview sang Bombo Radyo kay PCPT Mark Anthony Garcia, Officer-in-Charge sang Sigma MPS, may yara sang mga kapulisan nga ipahamtang sa tagsa ka mga simbahan agud strikto nga magbantay agud mapabilin ang kalinong kag katawhay sa mga tumuluo sa nasambit nga banwa.
Dugang pa ni Garcia, magabantay ang mga kapulisan tubtob matapos ang simbang gabi sa mga simbahan bangud pati man sa pagsaulog sang bag-ong tuig magabantay man gihapon ang pwersa sang Sigma PNP.
Panugyan ni Garcia, agud malikawan ang mga insidente nga posible magluntad, siguruhon nga nakasarado ang mga pirtahan, bintana kag gate sang mga puluy-an subong man i-double check ang mga salakyan, gasul kag mangin ang main switch sang kuryente.
