Gin-anunsyo sang US nga wala pa sang time frame agud tapuson ang giyera sa Iran.
Ini matapos ginpahayag sang Iran nga imposible nga mabuksan liwat ang Strait of Hormuz.
Sa subong, nagapadayon ang mga pagpanghanda para sa pagpadayon sang peacetalks sa Pakistan.
Suno kay Iranian President Masoud Pezeshkian, nagapabilin nga bukas ang Iran sa paghinun-anon apang ginpahayag man sini nga ang paglapas sang US sa iya mga pangako subong man ang pagbalabag sa mga Iranian ports kag mga pamahog sini nagapabilin nga upang sa matuod nga negosasyon.
Nagapabilin naman sa Amerika si US Vice President JD Vance nga ginalauman nga magapanguna sa delegasyon sang Amerika sa peace talks sa Pakistan.
Samtang, apisar nga una na nga ginpalawig ni US President Donald Trump ang ceasefire, ginpahayag ni House Press Secretary Karoline Leavitt nga “open-ended” ang ceasefire extension kag wala pa sang bag-o nga deadline para diri.
Sa subong, nagapadayon ang tensyon sa Strait of Hormuz, sa diin ginpahayag sang chief negotiator sang Iran nga imposible nga mabuksan liwat ang tunnel bangud sa paglapas sang US kag Israel sa ceasefire.
