Nagpadala ang Estados Unidos sang mga aircraft kag mga personnel agud buligan ang mga Pilipinas sa relief operations kasunod sang epekto sang Bagyo Julian ilabi na sa Batanes.
Suno sa Philippine Air Force, ang duha ka KC-130J Hercules aircraft halin sa United States III Marine Expeditionary Force ang nagsakay sang mga American personnel kag equipment kag nag-abot sa Villamor Air Base sa Pasay City kahapon sang hapon.
Ini nga mga aircraft ang nagikan sa Kadena Air Base sa Okinawa, Japan kag nagbulig sa transportasyon sang essential aid sa idalom sang direksyon sang US Indo-Pacific Command.
Magluwas diri, nagpakig-angot man ang Armed Forces of the Philippines (AFP) sa Joint US Military Assistance Group kaupod sa mga tiglawas sang US Agency for International Development (USAID).
Base sa record sang gobyerno, lima ka tawo ang napatay bangud sa Bagyo Julian kag nagbilin man ini sang P551.81 million nga kahalitan sa sector sang agrikultura.
