Gin-akusahan ni U.S. President Donald Trump ang Iran sang ‘Total violation’ sa ceasefire matapos nga gin-alegar nagpalupok ini sa mga barko malapit sa Strait of Hormuz.
Sa isa ka post sa social media, ang Presidente sang Estados Unidos liwat nga nagpamahog nga gub-on ang importante nga imprastraktura sang Iran kon indi sini pagbatunon ang ginproponer nga kasugtanan sang Washington.
Ginpahayag man ni Trump nga ang mga tiglawas sang Estados Unidos natalana nga mag-abot sa Pakistan subong nga adlaw agud padayunon ang negosasyon sa Iran, sa pihak sang nagalala nga tensyon.
Apang nagpamalibad ang Iran sa pagpadala sang negotiating delegation sa Pakistan tubtob yara sa gihapon ang US naval blockade sa Strait of Hormuz.
Matandaan nga pagkatapos nga gin-anunsyo ni Trump nga magapadayon ang blockade batok sa Iranian shipping, ang Tehran nagsiling nga ang strait magapabilin nga sirado.
Sa subong, indi pa maathag kon bala magabukas liwat ang Strait of Hormuz ukon may yara sang pag-uswag sa negosasyon sang ceasefire.
