Nagpaandam si US President Donald Trump nga posible maglawig sang masobra isa ka bulan ang pag-atake sa Iran.
Ini sa tunga sang nagalala nga inaway nga ginabomba sang Israel ang Lebanon, puluy-an sang kaalyado sang Iran nga Hezbollah, kag mga oil facilities sang Iran sa Gulf countries.
Bilang balos, naglunsyar ang Iran sang mga serye sang drone kag missile strikes sa US Military base sa mga pungsod sa Middle East.
Suno kay Trump, halin sa umpisa ginbulubanta nila nga ang ginlunsar nga “operation epic fury” sa Iran magalawig sang apat tubtob lima ka semana
apang ginpakita ni Trump nga posible nga magdugay pa ini.
Sa una nga tion, ginplastar man ni Trump ang ila katuyuan nga salakayon ang Iran.
Kaangot sini, ginhingyo sang US State Department ang ila mga pumuluyo sa Middle East nga mag-evacuate gilayon, lakip na ang mga yara sa Egypt kag Gulf States pinaagi sa commercial transportation.
Ang mga pungsod nga nalakip sa paandam sang US amo ang Bahrain, Egypt, Iran, Iraq, Israel kag ang mga teritoryo sang Palestinian, Jordan, Kuwait, Lebanon, Oman, Qatar, Saudi Arabia, Syria, the United Arab Emirates kag Yemen.
