Nagpamahog si US President Donald Trump nga atakehon ang Oman, isa ka prominente nga kaalyado sang US, kon indi ini mag-“behave”.
Ginhimo sang presidente sang Estados Unidos ang pamahog kasunod sang mga report nga ginaalegar negosasyon sa tunga sang Iran kag Oman.
Suno sa report, plano sang duha ka pungsod nga tingub nga magpatuman sang toll sa mga barko nga nagaagi sa Strait of Hormuz.
Ang Strait isa ka kritikal nga alagyan para sa mga oil tanker sa bug-os nga kalibutan, nga temporaryo nga ginsirado halin sang pagluntad sang inaway sang US-Israel batok sa Iran.
Una na nga nagdeklara si Trump sang Martes nga liwat nga buksan ang alagyan sa tanan kag nagpanindugan nga wala sang pungsod nga may kinamatarong nga magkontrol sini.
Suno sa iya, monitoron sang Amerika ang lugar bilang kabahin sang ila nagapadayon nga negosasyon.
Sa subong, ang White House wala pa nakahatag sang bisan ano nga paathag nahanungod sa kontrobersyal nga pahayag ni Trump, kag ang Omani Embassy sa Washington wala pa makahatag sang opisyal nga sabat sa sini nga bagay.
