Nagpasugot si U.S. President Donald Trump sa duha ka semana nga ceasefire kaupod ang Iran, duha ka oras na lamang ang nabilin antes ang iya nga ultimatum nga buksan sang Tehran ang Strait of Hormuz ukon pagaatubangon sini ang lapnagon nga pag-atake sa mga pasilidad sang sibilyan.
Suno kay Trump, ang ceasefire nakadepende sa pag-untat sang Iran sa blockade sang langis kag gas. Nagpahayag man ang Iran nga ihatag nila ang luwas nga pag-agi sa strait kag untaton ang ila nga mga pagbalos nga atake.
Ginpatung-an ni Pakistan Prime Minister Shehbaz Sharif ang kasugtanan, kag gin-imbetaran ang delegasyon sang duha ka mga pungsod sa Islamabad sa maabot nga Biyernes. Nagpasugot man ang Israel kag Iraq sa temporaryo nga pag-untat sang operasyon.
Samtang nagpasugot ang duha ka mga pungsod, may pila ka mga missile attacks sa gihapon halin sa Iran, kag nakarekord sang mga minor injuries sa Tel Aviv. Nag-react man ang merkado kun sa diin nagsaka ang U.S. stock futures kag nagnubo ang presyo sang gatong.
Ang ceasefire ang nagahatag sang tyansa para sa diplomatiko nga solusyon kag temporaryo nga kalinong sa rehiyon, samtang ang kinagamo ang nagtuga na sang masobra 5,000 nga kaso sang mga napatay sa nagkalain-lain nga pungsod, kalakip ang 1,600 ka mga sibilyan sa Iran.
