Gin-aprubahan na sang World Bank ang USD1 billion ukon katumbas sa mas ukon menos P1 billion nga pautang para pabaskugon ang sektor sang agrikultura sa Pilipinas.
Katuyuan sang proyekto nga Philippines Sustainable Agricultural Transformation Project (PSAT) nga pataason ang produktibidad, pabaskugon ang food security, kag buligan ang mga mangunguma nga masarangan ang epekto sang climate change.
Suno sa World Bank, magabenepisyo ang indi magnubo sa lima ka million nga mangunguma sa pamaagi sang modernisasyon sang farming practices, mas maayo nga access sa merkado, kag paggamit sang climate-smart technologies. Kalakip man sa proyekto ang digital voucher system para sa mas madasig kag transparent nga distribusyon sang farm inputs.
Ginalauman nga magatuga ang inisyatiba sang mas mataas nga kita para sa mga mangunguma, dugang nga trabaho, kag mas abot-kaya nga pagkaon para sa mga Pilipino.
