Naglab-ot na sa record high nga P17.708 trilyon ang kabug-usan nga utang sang gobyerno sang Pilipinas sa katapusan sang 2025, mas mataas sangsa target sang gobyerno.
Suno sa Bureau of the Treasury, ang nasambit nga pagtaas ang ginpahayag tuga sang mas madamo nga utang sang pungsod bangud sa “strategic net issuance” sang mga debt instruments sa paggasto sang mga programa sang gobyerno lakip na ang pagluya sang piso kontra sa dolyar kag iban pa nga foreign currencies.
Base sa forecast sang Bureau of the Treasury, ang wala pa mabayaran nga utang sang National government nagtaas sang 10.32% gikan sa P16.05 trilyon sang 2024. Mas mataas ini sang halos 2% kumpara sa ginalauman nga P17.36 trilyon sa katapusan sang tuig.
Suno sa ahensya, kon ipaanggid sang Nobyembre, nagtaas sang gamay ang utang sang pungsod sang 0.34% halin sa P17.65 trillion.
Sa pihak sang pagsaka sang utang sang Pilipinas, ginpahayag sang Bureau of the Treasury nga nagapabilin nga stable ang debt profile sang pungsod bangud 68.4% sang kabug-usan nga utang ang naghalin sa domestic sources ukon resources, funds, materials nga naghalin sa sulod sang pungsod.
