Utility worker sang isa ka ospital, ginlabo sa nawong, naospital

ROXAS CITY – Padayon nga ginabulong sa ospital ang isa ka utility worker sang isa ka ospital nga ginlabo sa Barangay Manhoy, Dao, Capiz.

Nag-angkon sang pilas sa nawong ang biktima nga si John Mark Vasquez matapos ginlabo gamit ang talibong sang suspek nga si Charles Atong .

Nagaguwa sa imbestigasyon sang Dao Municipal Police Station nga nagasakay sa tricycle ang biktima kaupod ang iban nga mga abyan sang gintambangan sang suspek kag hinali nga ginlabo sa nawong.

Ginapatihan nga hinubog nga estorya ang motibo sa insedente bangud lunsay yara sa impluwensiya sang makahulubog nga ilimnon ang bikima kag suspek.