Gindoble pa sang Department of Education (DepEd) ang vacation service credits sang mga manunudlo sa 30 ka adlaw.
Gin-eksplekar sang ahensya ang mga service credit, kun sa diin naghatag ligwa ini sa mga manunudlo nga i-offset ang mga pag-absent bangud sa sakit ukon personal nga rason, ukon agud mabawi ang mga iban sa sweldo sa tion sang bakasyon.
Ang panibag-o nga mandu naghatag sang kinamatarung sa mga manunudlo nga indi magnubo sa isa ka tuig nga serbisyo, kasubong man ang mga bag-o nga hire nga manunudlo nga gin-appoint sa sulod sang apat ka bulan pagkatapos sang pagsugod sang klase, sang 30 ka adlaw sang mga vacation service credits tuig-tuig.
Magluwas sini, ang mga bag-o nga manunudlo nga ang mga appointment ginhatag sa nakaligad nga apat ka bulan pagkatapos sang pagsugod sang mga klase makabaton sang 45 ka adlaw sang mga bakasyon tagsa ka tuig .
