ROXAS CITY – Tunga ang nangin opinion sang pila ka mga vendors gikan sa Teodoro Arcenas Trade Center angut sa pagpangdakop sa mga colorum nga traysikol kada gab-i.
Sa pagpakig-angut sang Bombo Radyo kay Crestita Linaza, vendor sa TATC, iya ginsiling nga pabor siya sa operasyon sang TMU bangud may ordinansa man nga ginasunod sa syudad nahanugod sa pagbiyahe sang pampasahero nga tricyle.
Naluoy man siya suno diri sa mga colorum drivers bangud ini ang pangabuy-anan nila apang nagakadapat man suno diri nga dakpon bangud sa wala pa sila city numbers nga indi man patas sa mga nagproseso kag nagkabudlay agud makakuha, indi pa masiguro sang mga pasahero ilabi na kun gab-i kun maayo nga driver ang ila sakyan.
Dako man suno kay Linaza ang mangin epekto sa mga kapareho nga vendors nga wala service kag gab-i na nagapauli bangud kalabanan sa mga nagabiyahe kun gab-i mga colorum, mabudlayan sila magsakay sa tion nga magpuli na.
