ROXAS CITY – Wala nagkulang sa pagpatunga ang bise-gobernador sa executive kag legislative department sang provincial government.
Ini ang ginpahayag ni vice governor Jaime ‘Mitang’ Magbanua, sang mainterview sang Bombo Radyo.
Suno diri nga natigayon na sadto nga maghangpanay ang duha ka mga departamento apang liwat naman nga nag-ibwal ang isyu sang nagpaguwa sang pahayag sanday board member Jonathan Besa kag provincial administrator Edwin Chinel Monares.
Dugang pa sini nga wala siya sang may ginadampigan kag luyag lamang nga maangkon ang harmonya sa magtimbang nga departamento.
Apang, nagapati ini nga ginahimo lamang sang legislative department ang ila responsibilidad partikular ang chairman sang committee on appropriations nga si board member Besa, gani ginarespeto sini ang desisyon sang amu nga komitiba nga hibaluon kun ano ang yara sa likod sang wala pagsumiter sang Roxas Memorial Provincial Hospital (RMPH) sang ginapangayo nga dokumento apisar nga natigayon man nga makahatag ang iban nga District hospitals.
