Gin-athag ni Bise Presidente Sara Duterte sang Martes nga wala nya ginpangabay ang pag-resign ni Presidente Ferdinand Marcos Jr. sa pihak sang mga isyu sa subong nga administrasyon.
Sa isa ka interview, hugot nga ginsiling ni Duterte nga mas nagakadapat nga sabton ni Marcos ang pagpanghangkat sang anay Executive Secretary nga si Vic Rodriguez nga magpaidalom sya sa drug test.
Suno kay Duterte, kun isa ka ka presidente ukon vice president, kinahanglan mo nga i-concentrate ang imo nga lawas sa pagserbisyo sa katawhan nga imo nasakupan.
Gintawag man sini nga “pointless call” ukon wala sang pulos ang panawagan nga magbiya si Marcos. Suno sa iya, base sa maragtas sang amay sang presidente, indi basta nagahalin sa pwesto ang mga Marcos.
Kaangut sini, ginhatagan pagtamod ni Duterte nga ang matuod nga isyu amo ang ginapahayag kakulangan sang Presidente sa pagtuman sa obligasyon.
Madumduman nga pila ka grupo ang nagpanawagan sang pagbiya sang Presidente sa ginpatigayon nga protesta sang Setyembre 21, kaangut sang mga isyu sang korapsyon sa mga proyekto para sa flood control.
