Nagpabutyag si Commission on Elections (Comelec) Chairman George Erwin Garcia nga mangin madata ang praktice nga vote-buying sa palaabuton nga eleksyon sa 2025 nga kinahanglan bantayan.
Sa obserbasyon sang Comelec, posible nga indi mag-agi sa mga payment platform ang nasambit nga aktibidad kag bangud nahibaluan sang mga nagabakal sang boto nga ginabantayan ini gani ginalauman ang mas personal nga paghatag sang bayad kabaylo sang pagboto.
Agud mabatuan ang baklanay sang boto kag iban pa nga paglapas sa mga pagsulundan sang eleksyon, may preparasyon ang Comelec pinaagi sa isa ka agreement sa National Bureau of Investigation.
Sang damlag lang, isa ka memorandum of agreement ang ginpermahan sa tunga sang Comelec kag ni NBI Director Ret. Judge Jaime Santiago para mabantayan ang eleksyon 2025.
Wala na ginbuyagyag pa sang NBI ang ila nga mga tikang para sa pagahimuon nga pagbantay suno kay Santiago.
