Ginbuyagyag ni VP Sara Duterte ang ginapahayag pagbayad sang iya mga kontra sa pulitika para lamang samara kag atakehon ini.
Ginhimo sang Bise Presidente ang pagbuyagyag sa isa ka meet-and-greet kaupod ang iya mga tagasuporta sa Tokyo, Japan.
Suno kay VP Sara, P25 million nga pauna nga balor ang gingastos ukon ginbayad sang mga kontra sini, samtang mas dako naman nga balor pa ang ginalauman nga igapaguwa agud maglapnag ang pagpanamad batuk sa iya.
Dugang pa ni Duterte nga sang 2023 sa budget sang Department of Education (DepEd) kag Office of the Vice President (OVP), ginhambalan ini sang isa ka kakilala sini sa sulod sang Public Relations (PR) industry sa NCR nga ang una nga bayad amo ang P25 milyon para sa mga atake batuk sa iya.
Una na nga nakigkita ang Bise Presidente sa mga tagasuporta sini sa Ginza, Tokyo, masobra isa ka semana matapos ang ginhiwat nga rally sang mga ini sa Shibuya crossing sa Tokyo agud ipakita ang ila suporta kay Duterte.
Pagbuyagyag sang Bise Presidente nga ang pila sa mga naga-atake sa iya sa karon ang mga abyan sini humalin pa sang 2016 kag 2019 kada election rason agud panmdumon nga wala ini sang matuod nga abyan sa pulitika.
Sa pihak sini, wala naman sang ginmensyunar si VP Sara nga mga pangalan kun sin-o ang partikular nga nagbayad kag kun sin-o ang ginbayaran nga indibidwal ukon grupo.
