Maisog nga gin-atubang ni Vice President Sara Duterte ang Committee on Good Government and Public Accountability kag ginpahayag nga target sang hearing nga gub-on siya, ang Office of the Vice President kag i-impeach.
Sa mensahe ni VP Sara direkta nga ginpahayag sini nga wala sang bastante nga basehan ang privilige speech nga nagresulta sa hearing subong nga adlaw.
Ginpahayag ni VP Sara nga ang nasambit nga hearing ang indi nahanungod sa misuse of funds, accountability ukon governance.
Nagapati si VP Sara nga ini ang para gub-on siya agud mapunggan ang anuman nga political contest sa ulihi.
Direka man nga ginpahayag ni VP Sara nga iya na ginatugyan sa pleasure ni Speaker Martin Romualdez ang budget sang OVP sa 2025.
Ginpahayag man sini nga wala niya ginapangayo ang anuman nga special treatment ukon anuman nga tradisyon kag nanindugan ini nga wala sang disrespect nga natabo.
Ginsiling ni VP Sara nga indi ang budget ang puntirya sang komite kundi target sang mga ini nga magdiho ng kaso para sa impeachment.
