Ginkondenar ni Vice President Sara Duterte ang pagserbe sang warrant of arrest kahapon nga adlaw sang mga kapulisan sang PRO 11 sa 30-hectares nga compound ni Pastor Apollo Quiboloy.
Sa pahayag sini, ginpahayag sang bise presidente nga indi suno ini siya tutol sa kun ano man nga warrant of arrest sang gobyerno, ang indi sini mabaton amo ang paggamit sang dahas kag puwersa sang kapulisan sa mga miyembro kag deboto sang Kingdom of Jesus Christ (KOJC).
Dugang pa sini, nagapakita suno diri ini sang pagtinunto sa kaugalingon nga pungsod kag pagkapilipino. Ginkwestyon pa ni Duterte kun ang pagpatuman ayhan sang nasambit nga warrant of arrest baangud ang akusado, isa ka tagasuporta sang ila nga pamilya.
Sa nasambit nga statement, nagpangayo man ang bise presidente sang pasaylo sa mga miyembro sang KOJC bangud sa pagpilit suno diri sa ila nga iboto ang iya 2022 elections running mate nga si Presidente Bongbong Marcos Jr.
Suno kay Duterte, ang mga Pilipino ang nagakinahanglan sang mas matarong nga lider.
Matandaan nga ang nasambit nga operasyon kahapon sa KOJC compound ang nagresulta sa pagkapatay sang isa kag pagkapilasan sang pila ka miyembro sang KOJC.
