Gin-anunsyo sang Department of Trade and Industry nga magapabilin nga wala sang pagtaas sa presyo sang mga nagapanguna nga balaklon tubtob Abril 16.
Suno kay Cristina Roque, sakop sini ang masobra 200 ka mga produkto kasubong sang sardinas, kape, gatas, kag bottled water nga ginabaligya sa supermarkets kag online platforms.
Subong man, possible nga magtaas ang presyo sa ikaduha nga bahin sang Abril bangud sa epekto sang pagtaas sang presyo sang gatong sa pangkalibutanon nga merkado. Ginsigurado naman sang DTI nga may bastante nga suplay sang mga produkto agud malikawan ang gulpyada nga pagmahal.
Ginpanugyanan man ang publiko nga usisaon ang listahan sang basic necessities sa mga tindahan kag opisyal nga platforms sang DTI para sa pagsulundan sa presyo.
