-- ADVERTISEMENT --
Naka-record sang walo ka mga insidente sang sunog ang Bureau of Fire Protection (BFP) Roxas City halin Enero tubtob Abril 2026.
Sa interview sang Bombo Radyo kay SFO1 Junemar Galve, Chief Public Information Officer sang BFP Roxas City, iya wala man sang may na-report nga casualty sa tanan nga mga insidente sang sunog nga nagluntad sa nasambit nga mga bulan.
Suno kay Galve, kalabanan sa mga na-record nga sunog amo ang residential kag grassfire, nga masami nagaresulta bangod sa kakulangan sa pagpaninlo sang palibot.
Nagpangabay man ini sa publiko nga hawanan ang mga hilamon sa ila palibot ilabi na sa mga lugar nga prone sa grassfire, agud malikawan ang pagkatuga sang sunog.
