Walo katao patay sa pagtibusok sang charter plane sa Western Alaska

Walo ka tawo ang patay matapos mag-crash ang isa ka charter plane sa western Alaska.

Suno sa Federal Aviation Administration, ang Cessna 441 nga naghalin sa Anchorage padulong sa Cape Newenham ang nag-crash nga eroplano antes ini maghugpa sa airport.

Suno kay Clint Johnson sang National Transportation Safety Board, duha ka piloto kag anum ka pasahero ang sakay sang eroplano.

Ang eroplano yara sa isa ka sibilyan nga ginkontrata nga flight kag nag-crash pila ka minutos antes mag-abot sa Cape Newenham Airport.

Padayon naman ang imbestigasyon sang mga otoridad.