Wanted nga persona, arestado sa banwa sang Ivisan

IVISAN, CAPIZ – Arestado ang isa ka wanted nga persona matapos ginserbihan sang warrant of arrest sang mga kapulisan sa banwa sang Ivisan, Capiz.

Ginkilala ang naaresto nga si Anthony Galicano, 24 anyos kag residente sang Barangay Poblacion Norte sang nasambit man nga banwa.

Si Galicano ang akusado sa kaso nga Resistance and Disobedience to an Agent of a Person in Authority.

Ang warrant of arrest batuk sa akusado ang gin-isyu ni Judge Ramcez John Honrado sang 3^rd MCTC, Dao-Ivisan sadtong Hulyo 1, 2020.