Wanted nga persona nga kaso sang pagpanghimulos, dakop sa banwa sang Panitan

PANITAN, CAPIZ – Dakop ang isa ka persona nga ginakabig nga Top 7 most Wanted Person sa Provincial Level matapos ginserbihan sang warrant of arrest sa Barangay Pob. Ilaya, Panitan, Capiz, Panitan,Capiz .

Ang wala na ginhingadlan nga persona ang yara sa legal nga pang-edaron kag residente sa nasambit nga lugar.

Sandig sa impormasyon nga nagikan sa Panit-an PNP, nagapangatubang ang suspetsado sa kaso nga Rape.

Samtang ang warrant of arrest ang ginpapanaog kag ginpirmahan ni Acting Presiding Judge Eric Anthony Dumpilo, sang Regional Trial Court, Branch 14, 6th Judicial Region, Roxas City, Capiz nga napetsahan sadtong Agosto 21, 2024.

Wala naman sang piyansa nga ginrekomendar ang korte sa temporaryo nga kahilwayan sang akusado.