-- ADVERTISEMENT --
ROXAS CITY – Dakop ang ginakabig nga wanted person matapos ginserbihan sang warrant of arrest sang mga kapulisan sa Brgy. Lawa-an, Roxas City.
Ginkilala ang akusado kay alyas Anoy, 35-anyos, residente sang Brgy. Mongpong, sini nga syudad.
Base sa impormasyon nga nagikan sa Roxas City PNP, nagapangatubang sa kaso nga R.A. 8550 ukon illegal fishing ang akusado.
Samtang ang warrant of arrest ang ginpapanaog kag ginpirmahan ni Presiding Judge KRISTINE B. TIANGO-VINCULADO sang Regional Trial Court, Branch 15, Roxas City, Capiz.
Ginrekomendar naman sang korte ang P60,000 nga piyansa para sa temporaryo sini nga kahilwayan.
-- ADVERTISEMENT --
Sa karon yara na sa kustodiya sang Roxas City Police Station ang akusado para sa nagakaigo nga disposisyon.
