Magapatuman ang administrasyon ni Presidente Ferdinand “Bongbong” Marcos Jr. sang whole-of-government approach agud mapukan ang illegal Philippine Offshore Gaming Operators (POGOs) kag ginabawal nga droga sa Pampanga.
Sa iya speech sa distribusyon sang bulig pinansyal para sa mga mangunguma kag mangingisda nga apektado sang El Niño sa probinsya, ginsiguro ni Presidente Marcos nga ginututukan sang gobyerno ang problema sa iligal nga POGO kag droga.
Ginpakigbahin sang presidente nga naghimo na ang Department of the Interior and Local Government (DILG) sang isa ka task force agud mahatagan sang aksyon ang nasambit nga POGO; samtang nakig-angut na ang Bureau of Customs (BOC) sa iban nga ahensya agud ma-untat na ang pagpalusot sang ginabawal nga droga.
Kaangut sini, padayon man ang pagpasanyog sang Philippine Drug Enforcement Agency (PDEA) sa ila kampanya kontra sa iligal nga droga.
