ROXAS CITY – Madugay na nga problema sang mga residente sang Sitio Nasagud, Barangay Lanot, Roxas City ang mga wiring sang telco company nga daw kaangay balalayan na sang damang nga naga-laylay sa dalan.
Sa interview sang Bombo Radyo kay Punong Barangay Reynaldo “Totong” Tuazon, ginpahayag sini nga madugay na nila ginpalab-ot sa talatapan sang mga telco company ang nasambit nga problema sa ila lugar bangud madamo na suno diri nga mga residente ang nagakahangawa nga posible makatuga sang aksidente sa mga pumuluyo ilabi na sa mga motorista kag mga dalagko nga salakyan nga nagalabay.
Suno kay Tuazon, indi na kun tani paghulaton pa nga may mahalitan pa nga mga pumuluyo antes maghimo sang aksyon ang mga natungdan bangud indi ini tiliawan nga problema.
Mensahe sini sa mga telco company nga kun tani, sa tion magpahamtang sang mga connection ibutang sang instakto ang mga wiring kung sa diin indi makahatag sang peligro sa mga pumuluyo.
